செவ்வாய் கிரகத்துக்குச் செல்லும் விமானம்

• செவ்வாய் கிரகம் பற்றிய சில முக்கிய தகவல்கள் இங்கே தொகுத்து தரப்பட்டுள்ளது.
   'மார்ஸ்' என்று ஆங்கிலத்திலும் செவ்வாய் என்று தமிழிலும் அழைக்கப்படும் இந்த கிரகம் சூரிய குடும்பத்தில் 4 வது கிரகமாகும்.
• கிரேக்க மொழியில் மார்ஸ் என்றால் யுத்த கடவுள் என்று பெயர். மார்ஸ் என்ற ஆங்கிலப்பெயரில் இருந்து தான் ஆங்கில மாதமான மார்ச் தோன்றியது என்றும் கூறுவார்கள்.
• சுமார் 6 ஆயிரத்து 794 கி.மீ. விட்டம் கொண்ட இந்த சிவப்பு கிரகம் சூரியனில் இருந்து 22 கோடியே79 லட்சத்து 40 ஆயிரம் கிலோ மீட்டர் தொலைவில் நீள் வட்டப்பாதையில் சுற்றி வருகிறது.
• பூமியில் இருந்து புறப்படும் விண்கலம் சராசரி வேகத்தில் பயணம் செய்தால் செவ்வாய் கிரகத்தை அடைய சுமார் 6 மாதம் ஆகும்.
• செவ்வாய் கிரகத்தில் ஒரு நாள் என்பது 24.7 மணி நேரம் ஆகும். ஒரு ஆண்டு என்பது 687 நாட்கள் ஆகும்.
• செவ்வாய் கிரகத்தை ஆராய முதன் முதலில் மரைன் 4 என்ற விண்கலம் 1965-ம் ஆண்டு அனுப்பி வைக்கப்பட்டது. தொடர்ந்து 1976 ம் ஆண்டு வைக்கிங் என்று பெயரிடப்பட்ட கலம் செவ்வாய் கிரகத்தில் தரை இறங்கியது. அதன் பிறகு சுமார் 20 ஆண்டுக்குப்பிறகு பாத்பைண்டர் என்ற வாகனம் 1997 ம் ஆண்டு செவ்வாய் கிரகத்தில் இறங்கி சோதனை நடத்தியது. 2004 ம் ஆண்டு ஸ்பிரிட், ஆப்பர்சூனிட்டி ஆகிய கலங்கள் அங்கு ஆய்வுப்பணிக்கு சென்றன.

4 கட்ட ஆராய்ச்சி

'ஏரிஸ்' ஆய்வுத்திட்டத்தை அடுத்து செவ்வாய் கிரகத்தை ஆராய மார்வெல் (அயசஎநட) என்ற பெயரில் ஆய்வுக்கலம் அனுப்ப உள்ளனர். இது செவ்வாய் கிரகத்தில் நுண்ணுயிர்கள் எதுவும் இருக்கிறதா? என்ற ஆய்வை நடத்தும்.

அடுத்ததாக போனிக்ஸ் என்ற பெயரில் செல்லும் விண்கலம் செவ்வாய் கிரகத்தின் வடக்குப் பகுதியில் இறங்கி அங்கு தண்ணீர் இருக்கிறதா? என்பதை ஆராயும்.

இதையடுத்து ஸ்சிம் என்ற பெயரில் செல்லும் விண்கலம் செவ்வாய் கிரகத்தில் உள்ள தூசுப்படலம் மற்றும் சுற்றுப்புறத்தை ஆராயும்.செவ்வாய் கிரகத்தில் ஆறு மற்றும் கடல் இருந்ததற்கான அடையாளங்கள் உள்ளன. இவை எப்படி வற்றிப்போய் இருக்கும். அல்லது தண்ணீர் உறை நிலையில் உள்ளதா? என்பது பற்றியும் ஆய்வுகள் நடக்க உள்ளது.

 

அறிவியல் அதிசயம்