முதுவை ஹிதாயத் பக்கம்

 
கீழக்கரை கடற்கரை பகுதியில் அன்னியர் ஊடுருவலை தடுக்க கடற்படை தளம் அமைக்க திட்டமிட்டுள்ளதாக சென்னையில் உள்ள தென்பிராந்திய தலைமை கப்பல் படை அதிகாரி பிலீப்வான் ஹால்டன் தொலைபேசியில் தெரிவித்தார்.

இலங்கையில் ராணுவத்திற்கும் போராளிகளுக்கும் தொடர்ந்து சண்டை நடந்து வரும் நிலையில் ராமநாதபுரம் மாவட்ட கடலோர பகுதியில் இருந்து இலங்கைக்கு பல்வேறு விதமான போதை பொருட்கள் மற்றும் அத்தியாவசிய பொருட்களை கடத்தப்படுகின்றன.

இந்த நிலையில் இதைதடுக்க பாக்சலசந்தி கடற்பகுதியில் பாதுகாப்பை பலப்படுத்த ராமேசுவரத்தில் கடற்படை முகாம் மற்றும் தனுஷ்கோடி அரிச்சல்முனை பகுதியில் 8 கடற்படை வீரர்கள் மற்றும் கடற்படை கப்பல், கேஸ் படகுகள், ரோந்து படகுகள் மூலம் தினசரி இந்திய கடல்பகுதியில் அன்னியர் ஊடுருவலை தடுக்க பாதுகாப்பு பணியில் தொடர்ந்து ஈடுபட்டு வருகின்றனர்.

மன்னார் வளைகுடா கடல் பகுதியில் அன்னியர் யாரும் ஊடுருவாமல் இருக்க கீழக்கரை கடற்கரை பகுதியில் இடம் தேர்வு செய்யப்பட்டு அங்கு 8 பேர் கொண்ட கடற்படை வீரர்கள் சிறிய முகாம் அமைத்து காண்காணிப்புப் பணியில் ஈடுபடுவார்கள் மேலும் கீழக்கரை கடல் பகுதியில் இருந்து தூத்துக்குடி கடல் பகுதி வரை தினமும் ரோந்துபணியில் கடற்படை வீரர்கள் ஈடுபட உள்ளதாக தெரிவித்தார்.

கமுதி ரகுமானியா மெட்ரிக்.,பள்ளியில் அறிவியல் கண்காட்சி நடந்தது. பள்ளி முதல்வர் சிக்கந்தர் தலைமை வகித்தார். பள்ளி தாளாளர் ஆயிஷாபிவீ முன் னிலை வகித்தார். கண் காட்சியை ஏராளமானோர் கண்டு களித்தனர்.

ஹஜ் யாத்திரைக்கு வருவோர், விபத்துகளைத் தவிர்க்க, விதிமுறைகளை சரியாகப் பின்பற்ற வேண்டும் என்று மெக்காவில் உள்ள பெரிய மசூதியின் இமாம் கேட்டுக் கொண்டுள்ளார்.

வெள்ளிக்கிழமை நடந்த பிரார்த்தனையில் உரையாற்றிய அவர் இவ்வாறு கூறினார். டிசம்பர் 18-ம் தேதி ஹஜ் நிகழ்ச்சி தொடங்குகிறது. அப்போது மற்றவர்களுக்கு இடையூறு ஏற்படாத வகையில் யாத்ரீகர்கள் நடந்து கொள்ள வேண்டும். அவர்கள் மோதலில் ஈடுபடக் கூடாது. ஹஜ் புனித யாத்திரைக்குச் செல்வோரின் பாதையை தடுக்கக் கூடாது என்றார் அவர்.

பல்வேறு நாடுகளில் இருந்து 5 லட்சத்துக்கும் மேற்பட்டவர்கள் ஹஜ்ஜுக்கு சென்றுள்ளனர். இந்த ஆண்டு மொத்தம் 25 லட்சம் பேர் ஹஜ் செல்வர் என்று எதிர்பார்க்கப்படுகிறது.

இதுவரை 60,429 இந்தியர்கள் ஹஜ் வந்துள்ளனர். அவர்களில் 51,122 பேர் மெக்காவிலும், 9293 பேர் மதினாவிலும் உள்ளனர் என்று அங்குள்ள இந்தியத் துணைத் தூதர் அசப் சயீத், பி.டி.ஐ. செய்தி நிறுவனத்தின் நிருபரிடம் கூறினார். இந்த ஆண்டு இந்தியாவிலிருந்து ஹஜ் சென்ற 1,57,000 இந்தியர்களில் 12 பேர் நூறு வயது ஆனவர்கள்.

இந்தியாவில் இருந்து செல்லும் ஹஜ் யாத்ரீகர்களுக்கு உதவ மெக்காவில் ஒரு அமைப்பு 1997-ல் இருந்து செயல்படுகிறது. 1997-ல் மினாவில் ஏற்பட்ட நெரிசலில் பலர் இறந்தனர். அதன்பிறகு இந்த அமைப்பு ஏற்படுத்தப்பட்டது. இந்தியாவில் இருந்து ஹஜ் செல்வோர், அங்கு தங்கள் பணத்தையோ அல்லது உடைமைகளையோ தொலைத்து விட்டோல் அவர்களுக்கு இந்த அமைப்பு உதவுகிறது. இந்திய யாத்ரீகர் நல சங்கம் என்று இதற்கு பெயர்.

யாத்ரீகர்கள் ஹஜ் பயணத்தின்போது எப்படி நடந்து கொள்ள வேண்டும், அந்த நாட்டில் என்னென்ன விதிகளைக் கடைப்பிடிக்க வேண்டும் என்பதை விளக்கும் விடியோவும் இந்தியாவில் இருந்து வருவோருக்கு காண்பிக்கப்படுவதாக இந்தியத் துணைத் தூதர் தெரிவித்தார்.

இந்தியாவில் இருந்து டாக்டர்களும் மத்திய அரசால் ஹஜ்ஜுக்கு அனுப்பப்பட்டுள்ளனர். சவூதியில் தங்கியிருக்கும்போது, தங்கள் உடல் நலத்தை இந்தியர்கள் எப்படி காத்துக் கொள்ள வேண்டும் என்று நமது டாக்டர்கள் அவர்களுக்கு விளக்குகின்றனர்.

இந்திய யாத்ரீகர் நலச் சங்கத்தின் மகளிர் பிரிவு, இந்தியத் துணைத் தூதர் சயீதின் மனைவி ஃபர்ஹா தலைமையில் செயல்படுகிறது. அங்குக் கடைப்பிடிக்க வேண்டிய நடைமுறைகளை விளக்கும் துண்டு பிரசுரங்களை, தமிழ், தெலுங்கு, மலையாளம், ஹிந்தி, உருது, வங்காளம், குஜராத்தி, மராத்தி, ஆங்கிலம் ஆகிய மொழிகளில் இந்த அமைப்பு வழங்குகிறது.

இந்திய யாத்ரீகர்களுக்கு இந்த அமைப்பு இதுவரை ரூ.4.5 லட்சம் வழங்கி உதவியுள்ளது.

ஏர் இந்தியா விமானக் கட்டணம் திங்கள்கிழமை (டிச.3) முதல் உயர்கிறது.

இதனால் பயணிகள் தற்போதுள்ள கட்டணத்துடன் ரூ. 300 கூடுதலாக செலுத்த வேண்டியிருக்கும்.

விமான பெட்ரோல் (ஏடிஎஃப்) விலை உயர்ந்ததைத் தொடர்ந்து ஜெட் ஏர்வேஸ், கிங்ஃபிஷர் உள்ளிட்ட தனியார் நிறுவனங்கள் சனிக்கிழமை முதல் (டிச.1) கட்டணத்தை உயர்த்தின.

இதைத் தொடர்ந்து ஏர் இந்தியாவும் விமான கட்டணத்தை உயர்த்த முடிவு செய்துள்ளதாக ஏர் இந்தியா செய்தித் தொடர்பாளர் ஜிதேந்தர் பார்கவா தெரிவித்தார்.

வளைகுடா நாடுகளில் ஒன்றான பஹ்ரைன் நாட்டில் வெளிநாட்டு தொழிலாளர்களை கூடுதலாக அனுமதிக்க அந்நாட்டு அரசு முடிவு செய்துள்ளது.

இதனால் இந்திய தொழிலாளர்களுக்கு பலன் கிடைக்கும் என்று எதிர்பார்க்கப்படுகிறது.

அந்த நாட்டில் உள்ள கட்டுமான நிறுவனங்களின் வேலையில் 10 சதவீதம் பஹ்ரைன் நாட்டவர்களையே நியமிக்க வேண்டும் என்று அரசு நிபந்தனை விதித்துள்ளது. அடுத்த ஆண்டு ஜூலை முதல், 8 சதவீதம் மட்டும் உள்நாட்டவர்களை நியமிக்கலாம் என்று விதிகள் தளர்த்தப்பட்டுள்ளன. போல ஒவ்வொரு தொழிலிலும் இதுபோன்ற விதிகள் தளர்த்தப்பட்டு, அதிகமான வெளிநாட்டவர்களை பணியில் அமர்த்த வழி செய்யப்பட்டுள்ளது.

வெளிநாட்டிலிருந்து வரும் தொழிலாளர்களுக்கு விசா அனுமதி வழங்க கட்டணமாக 2 ஆண்டுக்கு ஒரு முறை ரூ.20,930 வசூலிக்கவும் அந்நாட்டு அரசு முடிவு செய்துள்ளது. அவர்களை வேலைக்கு அமர்த்தும் நிறுவனங்களும் ஒவ்வொரு தொழிலாளிக்கும் மாதம் ரூ.1046 அரசுக்கு செலுத்த வேண்டும் என்றும் அரசு அறிவித்துள்ளது. இதனால் சிறிய மற்றும் நடுத்தர நிறுவனங்கள் அந்நாட்டில் தொழில் செய்ய முடியாத நிலை ஏற்படும் என்று தொழிலதிபர்கள் கருத்து தெரிவித்தனர்.

 
புதுச்சேரி மாநிலத்தின் டிஜிபியாக ஏ.எஸ்.கான் பதவியேற்றார்.

புதுச்சேரி மாநில காவல்துறையின் தலைமை அதிகாரியாக இதுவரை ஐஜி இருந்தார். தற்போது டிஜிபி பதவியாக இது உயர்த்தப்பட்டுள்ளது.

இம் மாநிலத்தின் முதல் டிஜிபியாக மத்திய அரசு நியமித்துள்ள மூத்த ஐபிஎஸ் அதிகாரி ஏ.எஸ்.கான் புதுச்சேரி ஐஜி அலுவலகத்திற்கு வந்தார். போலீஸôரின் அணிவகுப்பு மரியாதையை ஏற்ற அவர், ஐஜி அலுவலக அறையில் டிஜிபியாக பதவியேற்றார்.

1977-ம் ஆண்டில் ஐபிஎஸ் அதிகாரியாகி பணிக்கு வந்த வந்த இவர், ஏற்கெனவே புதுச்சேரியில் 1989-ம் ஆண்டில் அதிரடிப்படை பிரிவின் எஸ்பியாக பணியாற்றினார். தில்லியில் ஐஜியாக பணியாற்றிய இவருக்கு மத்திய அரசு பதவி உயர்வு அளித்து டிஜிபியாக நியமித்துள்ளது.

முன்னதாக புதுச்சேரி வந்த இவரை டிஐஜி வாசுதேவராவ், சீனியர் எஸ்பி சாயா சர்மா மற்றும் பல்வேறு அதிகாரிகள் வரவேற்றனர்